کابل – د افغانستان د خبریالانو مرکز په پام کې لري، د «خبریال د ورځې» د لمانځنې په مناسبت، د پنځم کال (۱۳۹۶) لپاره د یوې رقابتي برنامې پر بنسټ «د افغانستان د کال خبریال» وټاکي.
په شرایطو برابر کسان
هغه خبریالان، انځوراخیستونکي او سموونکي ( ایډیټوران) چې باور لري په روان کال کې یې د خبریالۍ په برخه کې څرګندې لاسته راوړنې لرلي، کولای شي نوم لیکنه وکړي. یادې لاسته راوړنې کېدای شي:
- څېړنیز راپورونه چې د ستونزو د حل لپاره یې د مسؤلینو غبرګون او بدلون راوستی وي.
- نوښتګرې رسنیزې هڅې چې د رسنیو او خبررسونې په بهیر کې د ښهوالي لامل شوې وي.
- د هغو وضعیتونو په اړه راپورونه چې عموماً د رسنیو له سترګو پټ پاتې کېږي.
- د بشري حقونو، د ښځو او ماشومانو د حقونو اړوند ځانګړي او اصیل راپورونه یا رسنیز فعالیتونه.
- له افغانستان څخه داسې نوښتګر راپورونه چې د نورو، په ځانګړي ډول نړیوالو رسنیو پام یې ځانته را اړولی وي او پر بنسټ یې راپورونه یا خبرونه جوړ شوي وي.
د نوم لیکنې شرایط
په کورنۍ او یا نړیواله رسنۍ کې کاري تجربه.
راپور، لیکنه او یا انځور چې دې سیالۍ ته استول کېږي باید د افغانستان په اړه وي.
راپور، لیکنه او یا انځور باید د ۱۳۹۶ کال په اوږدو کې په کورنۍ یا نړیواله رسنۍ کې خپور شوی وي.
د یادې سیالۍ ګډونوال باید د افغانستان پېژند پاڼه ولري.
د غوښتنلیک د وړاندې کولو څرنګوالی
هره رسنۍ کولای شي یو کس د دې برنامې لپاره نوماند کړي، او یا خپله غوښتونکی کولای شي په مستقیم ډول خپل غوښتنلیک وړاندې کړي.
غږیز او یا انځوریز راپورونه د متن له لیکي بڼې سره، لیکلي راپورونه او یا د انځورونو سافټ دې، د هغوی له لینک سره یوځای لاندې پته ته ولېږل شي:
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید
جایزه
د «د افغانستان د کال خبریال» نښان او نقدي جایزه.
«د افغانستان د کال خبریال» به د خبریال د ورځې (د حوت ۲۷مه) په مناسبت، د لوړپوړو دولتي چارواکو او د رسنیز ټولنې د استازو په شتون کې د یوې سترې غونډې په ترڅ کې، معرفي او وستایل شي.
د غوښتنليک سپارلو وروستۍ نېټه: د کب ۲مه
د غوښتنلیکونو د سپارلو نېټه دوه ورځې وغځول شوه،
مینه وال کولای شي خپلې غوښتنې د حوت د ۴مې نېټې د شپې تر ۱۲ بجو پورې یادې پتې ته واستوي.